Fiev Speele. Fiev Minuten Paus.

Finn all Poren: Schepen, Schaap, Lüchttoorn, LNG-Tank un allens, wat to Brunsbüttel hört. De Klock löppt af de eerste Kaart.

Dreih de Windmööl mit de Dreihknööp in den Wind, denn gifft dat Strom un de Lüchttoorn lücht. Bi Storm dreiht se to gau: Brems rin oder ut den Wind dreihen, anners warrt se to hitt un brennt. Bi Flaute sünnt sik de Schaap.

Slüüs dat Schipp vun de Elv in den Kanal: De Kamer steiht op Elv-Hööchd, dat Door links is apen. Is dat Schipp heel binnen, maak dat Door links to. Denn stiggt dat Water. Maak dat Door rechts eerst op, wenn dat Water in de Kamer so hooch steiht as in'n Kanal.

As fröher bi Ports of Call: Park den Gastanker mit Gashebel un Roder in den gelen Liegeplatz an’t LNG-Terminal in. Is he heel binnen un sinnig noog, warrt de Leinen fastmaakt. De Elv hett Strööm! To gau an de Kant, un dat Schipp is hen.

Op’n Elvdiek gifft dat Fischbrööt, un de Möwen wüllt de hebben. Tipp dor hen, wo en Möw flüggt: Dien Waterpistool maakt ehr natt, un se haut af. Pass ok op de Touristen op!

🕊️ Keen Möw is wat passeert, se is blots natt worrn. Bitte foodert keen echte Möwen.